|
SubscriptionsSites I Read
|
|
|
|
| 沉醉在自己的夢中, 突然被人一言驚醒, 一時間不知所措, 分寸盡失... 不是要無理取鬧, 只是一時間不懂得給予甚麼反應... 仍然喜歡發夢, 請容我繼續發夢... :) | | |
| 終於考完最後一次CCT, 終於順利過左6關, 多謝呢一年盡力救我ge考官, 首推psychi KFC, 次選medicine Rosie Young... 自問自己真係唔competent去pass... 今次paed 又係好好彩, 無左3個殺手, 而我考試ge兩條題目似乎係全場最容易... 所以從來都覺得考試合格唔係靠實力, 最重要ge都係運氣... 回想呢一年, 好似過得好漫長, 亦好似過得好快... 曾經以為自己失去左好多, 但係其實我亦都得到好多... 曾經感動過, 先至知道原來我唔係冷血, 只係平時無人對我咁好... 無後悔過讀medic, 只係後悔無把握時機做其他野... 或者應該努力去爭取, 可惜我做任何事都係得一份衝勁, 呢份衝勁過左又乜都唔想做... | | |
| 兩個禮拜ge residence響尋日終於完結, 好似過左成個月咁漫長... 尋日跟完round已經接近兩點, 決定提早幾個鐘走人... 走去starbuck買野食, 見到個BB, 我又情不自禁走去同佢玩, 嘗試assess佢ge developmental milestone, 真係上哂腦... BB 真係好可愛 ^3^ 返到屋企, 真係覺得好溫暖, 除左因為天氣真係暖左之外, 亦都因為有好多衫俾我著好多被, 響何善衡差D凍死, 只怪我怕重, 帶得太少衫... 另外, 見到爸媽都令我覺得好溫暖, 永遠都只有佢地先至最期待我ge出現... 近呢個禮拜我又開始進入冬眠狀態... 明明夜晚已經訓8至9個鐘, +每日飲1至2杯咖啡, +/-半個鐘至1個鐘頭晏覺, 仍然係成日都覺得好眼訓, 試過企響度都瞌眼訓, 差D跌低果隻, 誇張到連我都難以置信... 但係我睡眠質素都唔差ga wor, 我差唔多晚晚都係一覺訓天光, 又唔記得自己發過D咩夢, 點解都要訓咁多... 點解我唔可以好似其他同學咁訓4-5個鐘, 有多D時間溫書... 好唔公平呀!!! | | |
| Paed residence接近尾聲, 呢個禮拜真係得閒到痴線, 同上個禮拜忙到嘔電相比, 真係無得比, 上個禮拜收ge症係今個禮拜ge3倍左右, 唔明點解逢一三五好多症, 二四六真係無乜症, 係咁arm 得咁橋丫, 係天氣問題丫, 定係A&E ge問題? 我有諗過會唔會係二四六on duty ge A&E大多數都會叫patient返屋企, 一三五on duty果D就乜人都收哂, 有時真係收左唔夠幾個鐘, 俾個team head 檢一檢查就返得屋企, 真係浪費人力物力... 無乜assign俾自己ge patient, 無乜心情成日同小朋友玩, 始終好似要入侵人地D case, 驚其他人唔鍾意... Anyway... So far 我都幾鍾意個team head, 雖然響佢身上真係完全學唔到communication skills, 不過其實佢好肯教書, 雖然我地成日激到佢彈起... 其中一個MO都好好人, 成日驚我地做漏野, 激親team head, 所以不斷提我地水... 其中一個houseman都好好人, 問親佢野, 雖然佢好忙, 都盡量答... 可以跟到呢一team, 都算幾lucky~ 繼續努力~ | | |
| 今日返去跟巡房, 跟隔離team head, 學左D communication skills, 係我地平時完全學唔到ge... 不過我都係鍾意跟我地個team head多D, 因為佢巡房快好多... ^^" 個醫生叫個seizure病人唔好俾咁大壓力自己, 後尾佢同我地講返話以前有houseman朝早call極都call 唔到佢, 原來係因為seizure發作, 最後死左... 個醫生話唔夠訓有壓力都會導致seizure, 係可以死人ga... 兩個housemen聽到一陣愕然, 然後都係繼續做野, 因為佢地真係無乜得抖... 仲係一個醫學生ge我其實好幸福, 鍾意就蒲下頭, 唔鍾意就返去抖抖, clerk唔切case就抄下牌板... 坐享其成... sor... | | |
|
